Niobe


Cover

Niobe

Passage A

Nioba, Tantali filia et uxor Amphionis regis Thebani, et plus pecuniae et plures filios filiasque ceteris feminis in regno habebat. pro superbia sua tamen poenam gravissimam dedit. eo tempore feminae Thebanae Latonam, Apollinis et Dianae matrem, colere solebant. sed Niobe, cum illae deam colerent, semper aberat. etiam civibus suis talia loquebatur, ‘cur, Thebanae, tanta dona Latonae offertis; mihi tamen, reginae vestrae, nulla dona datis? num a liberis eius movemini? quod ego in hac re Latonam facile supero. nam septem filios pulchros atque septem filias pulchras habeo; Latonae tamen sunt soli liberi Apollo ac Diana.’

Names
Nioba, Niobae (f) Niobe
Tantalus, Tantali (m) Tantalus
Amphion, Amphionis (m) Amphion
Thebanus, -a, -um Theban, of Thebes
Latona, Latonae (f) Latona
Apollo, Apollinis (m) Apollo
Diana, Dianae (f) Diana

Vocabulary
superbia, superbiae (f) pride
colo, colere, colui, cultus I worship, cherish

Passage B

forte Apollo quid Nioba diceret audiverat et iratissimus ad urbem quam celerrime festinavit ut omnes Niobae filios occideret. simul Diana, cum domum Niobae advenisset, omnes filias eius necavit. diu et vehementer mater infelix liberis occisis lacrimabat. tandem Iuppiter tanto dolore motus est ut Niobam in saxum mutaret et in monte Sipylo eam deponeret. etiam hodie hoc saxum videri potest, etiam nunc diebus quibusdam lacrimare videri potest.
Names
Apollo, Apollinis (m) Apollo
Nioba, Niobae (f) Niobe
Diana, Dianae (f) Diana
Iuppiter, Iovis (m) Jupiter
Amphion, Amphionis (m) Amphion
Sipylus, Sipyli (m) Sipylus

Vocabulary
dolor, doloris (m) grief
muto, mutare, mutavi, mutatus I change
saxum, saxi (n) rock, stone